Malinzi atuma salamu za rambi rambi msiba wa Ally Yanga

Rais wa shirikisho la mpira wa miguu nchini TFF, Jamal Emil Malinzi ametuma salamu za rambi rambi kwa uongozi wa klabu ya Yanga SC, familia, ndugu, jamaa na marafiki wa marehemu Ally Yanga ambaye amefariki dunia Juni 20 mwaka huu. Jamal Malinzi amepokea kwa mshtuko na majonzi makubwa taarifa ya kifo cha shabiki maarufu wa Young Africans, Ally Mohammed anayefahamika zaidi kwa jina la Ally Yanga, kilichotokea jana Jumanne Juni 20, 2017 kwa ajali ya gari iliyotokea mkoani Dodoma.Katika salamu za rambirambi kwa uongozi wa Young Africans, familia, ndugu, jamaa na marafiki wa marehemu Ally Yanga ambako Rais Malinzi amewaasa kuwa na moyo wa subira katika kipindi hiki kigumu kwao na kwa huzuni amewafariji akisema: “Sisi sote ni wa Mwenyezi Mungu, na kwake tutarejea.”

Rais wa shirikisho la Mpira wa Miguu Tanzania TFF, Jamal Malinzi