Waziri Ndalichako akabidhi zawadi kwa wanafunzi waliofanya vizuri kitaifa

June 13, 2017

Waziri wa Elimu, Sayansi na Teknolojia Profesa Joyce Ndalichako amewataka wanafunzi nchini kuwa na Nidhamu kwani bila nidhamu hakuna mafanikio yanayoweza kupatikana.

Waziri Ndalichako ametoa kauli hiyo hii leo mjini Dodoma wakati akikabidhi tuzo na zawadi mbalibali kwa wanafunzi waliofanya vizuri katika mitihani ya kumaliza shule ya msingi, kidato cha Nne na wale wa kidato cha sita ambapo amewasisitiza wanafunzi wa kike kujiepusheni na mapenzi wakati wakiwa mashuleni.

Waziri Ndalichako amewataka wanafunzi kuhakikisha wanasoma kwa bidii, ambapo pia amewaonya wanaowanyemelea wanafunzi kwa lengo la kuwaharibia masomo na ndoto walizonazo kuwa sheria ni kali na ikithibitika muhusika atakwenda jela miaka 30.

Viongozi wengine walioambata na waziri katika shughuli hiyo ni Katibu Mkuu wa Wizara ya Elimu, Sayansi na Teknolojia Dkt. Leonard Akwilapo na Naibu Katibu Mkuu Profesa Saimon Msanjila.

Kauli mbiu ya siku ya Elimu ni: Elimu ni nguzo muhimu kwa Maendeleo ya viwanda

Pia usisahau ku like page yangu ya facebook hapo chini ama kwa kunifuata Facebook Tafuta / search @ Muro Tv